Тогтвортой хөгжлийн зорилго #6: Баталгаат ундны ус, ариун цэврийн байгууламжаар хангах

2022-2023 он 

• Сургууль нь төвлөрсөн ус хангамжаас хэрэглээний усыг авдаг. Төвийн шугамаас авч хэрэглэж буй усыг сургуулийн багш ажилчдын ундны хэргэлээнд ашиглахдаа шүүлтүүр бүхий усны аппарат ашиглан цэвэршүүлдэг. Сургуулийн хэмжээнд нийт 19 усны аппарат байдаг бөгөөд сар бүр хамтрагч байгууллагаас усны аппаратын шүүлтүрийг шалгаж, сольж өгдөг. 2022 онд усны аппаратны шүүлтүүр солих, засварын зардалд нийт 5’313’810 төгрөг зарцуулсан.
• Сургуулийн бохирдсон ус, ослоос үүдэлтэй бохирдол сургуулийн усны системд орохоос урьдчилан сэргийлэх процесс байдаг.
  Төвийн шугамаас ус дамжуулах хоолой ашиглан усны хэрэглээг хангадаг тул бохирдсон ус усны системд орох аюул харьцангуй бага. Мөн жил бүр тогтмол ус дамжуулах хоолойг шалган, засварлах, гэмтлээс урьдчилан сэргийлж ажилладаг.
• Сургуулийн хэмжээнд нийт 19 шүүлтүүртэй усны аппарат ашиглан багш, ажилчид, оюутнуудыг унды усаар үнэгүй хангадаг. Нэмэлтээр сургалтын алба, тэхнимүүд өөрсдийн гэсэн цэвэр усны аппараттай байх бөгөөд түүнд ашиглах баллонтой усыг долоо хоног бүр захиалж өгдөг.
• Бид Монгол Улсын хэмжээнд мөрддөг усны хэрэглээг багасгах нийтээр дагаж мөрдөх стандартыг мөрдлөг болгож ашигладаг. Ус алдалт, усны зохисгүй хэрэглээх хязгаарлах үүднээс өдөр бүр тогтмол хяналт тавих, засвар үйлчилгээ хийх, мэдээлэл хүргэж ажилладаг.
• СЭЗИС дээр 2020-2021 оны хичээлийн жилээс ЭКО СЭЗИС үйл ажиллагааг Суурь шинжлэх ухааны тэнхим хариуцан хэрэгжүүлж эхэлсэн ба энэ хугацаанд хийсэн ажлын товч тайланг танилцуулж байна. Хаягдал ангилал нь аливаа хүний хэвшмэл бодол, харах өнцгийг өөрчлөх замаар үр дүнд хүрдэг тул урт хугацаанд, төлөвлөгөөний дагуу тасралтгүй ажиллах шаардлагатай ажээ. Сургуулийн барилгатай холбоотойгоор хаягдал ангиллын цэгийг буулгаж байгаа ч та бүхэн хаягдлаа ямагт ангилж, дэлхий ертөнцийн ирээдүй, өөрийн амьдрах орчны цэвэр, эрүүл байх нөхцөлийг хамгаалаарай.
• ECO UFE клубийн 4 гишүүн ректорын нэрэмжит тэтгэлэгт оюутан боллоо. [2023.05.23] 2022-2023 оны хичээлийн жилийн хаврын улирал ECO UFE клубийн гишүүн Б.Болорчимэг, Б.Даваадэмбэрэл, А.Номинтуул, Б.Номин-Эрдэнэ нар ректорын нэрэмжит тэтгэлэгт оюутан боллоо.
  СЭЗИС-ийн оюутнууд, ирээдүйн төгсөгчид байгаль дэлхийдээ санаа тавьж, өөрийн үйлдлээр үлгэрлэж, гар бие оролцон бүтээж чаддаг болохыг харуулсан та бүхнээрээ клубийнхэн нь бахархаж байна. Хамт хамтдаа суралцах нэгэн үеийн оюутан залуустаа байгаль экологидоо хандах эерэг хандлагын үлгэр дуурайлал болж, сургалагын амжилтаараа манлайлсан клубийн гишүүддээ баяр хүргэе.

2021-2022 он

• Манай их сургууль нь усны хэрэгцээг сувгийн ус болон зөөврийн цэвэр усаар хангадаг. 2021 онд сувгийн нийт 14,840 метр куб болон зөөврийн 8,8 метр куб цэвэр ус хэрэглэсэн.
• Сургуулийн усны хэрэгцээг сувгийн ус болон зөөврийн цэвэр усаар хангадаг. Мөн багш ажилчид, оюутан, гадны зочидод зориулсан халуун, хүйтэн усаар өөртөө үйлчлэх боломж бүхий 22 ширхэг баллонтой усны аппарат болон 14 ширхэг төвийн шугамд холбосон ус цэвэршүүлэгч аппарат хичээлийн байруудад бий. 2021 оны хавар намрын улиралд 2,565,000 төгрөгийн үнэ бүхийн 3 усны аппаратыг шинээр байрлуулсан. Хамтран ажиллагч байглууллагын зүгээс улирал бүр ус цэвэршүүлэгч аппаратны шүүрийг сольж, үйл ажиллагаанд нь хяналт тавин ажилладаг.

Сонирхолтой баримт

Монгол улсын нийт хүн амын 72,7% нь шаардлага хангаагүй жорлон ашиглаж байна.