UFE
image-alt-text

Цэнгэлтийн Жигжиджав (1894 – 1933)

1923-1924 онд Сангийн яамны дэргэдэх гаалийн нягтлан бодохын сургуульд суралцсан анхны төгсөгчдийн нэг. 1926-1930 онд Монголын харилцан туслалцах хоршооны байцаагч, орлогч дарга, Ерөнхий хорооны даргаар ажилласан юм. 1930-1932 онд БНМАУ-ын Засгийн газрын Ерөнхий сайдаар ажиллаж байсан. Монгол улсын найм дахь ерөнхий сайд.
image-alt-text

Нямын Цэгмид (1910-1997)

1931 оны төгсөгч, Монгол улсын гавьяат жүжигчин (1941), Монгол улсын ардын жүжигчин (1951)
Нягтлан бодогчоос Ардын жүжигчин болсон хүн бол Нямын Цэгмид гуай. Монголын театр хөгжлийнхөө түүхэнд авъяас билэгтэй олныг төрүүлсээр ирсэн билээ. Анх ЗХУ-аас уригдан ирсэн уран сайхны мэргэжилтэн А.Ефреемов тэргүүтэй нөхдийн урлагийн сайн дурын жүжигчин сонгон шалгаруулалтаар санхүүгийн сургуулийн дэргэдэх уран сайхны дугуйлангаас Б.Жадамбаа, Н.Цэгмид нар шалгарч шалгалтанд тэнцсэн боловч мэргэжилтэй санхүүгийн мэргэжилтэн дутагдалтай байсан учраас Н.Цэгмидийг театр шилжүүлсэнгүй харин засгийн газрын нягтлангаар томилж байсан. Гэвч Н.Цэгмид өөрийн хүсэл сонирхолтой уран сайхны сайн дурын ажилд идэвхтэй оролцсоор ирсэн байна.1932 онд Н.Цэгмид Улсын төв театрт нягтлан бодогчоор шилжин ирж үндсэн ажлаа хийхийн хамтаар оройн түр сургуульд амжилттай суралцан урлагийн ухаанд суралцан танилцаж эхэлсэн. Улсын хөгжимт драмын театрын жүжигчин, найруулагч, дарга, кино үйлдвэрийн даргын албан тушаалыг хашсанаас гадна 1933-1966 оны хооронд Улсын хөгжимт драмын театрт ажиллах хугацаандаа 23 жүжиг найруулж олны хүртээл болгосон чадварлаг найруулагч байжээ.
image-alt-text

Дэмчигийн Моломжамц(1920-2006)

1940 оны төгсөгч, Сангийн яамны сайдын сайд, Улсын төлөвлөгөөний комиссын дарга, Сайд нарын зөвлөлийн даргын орлогч, нэгдүгээр орлогч, МАХН-ын Төв Хорооны Улс төрийн товчооны гишүүн, эдийн засгийн асуудал эрхэлсэн нарийн бичгийн дарга зэрэг алба хашиж байсан. Монгол Улсын гавьяат эдийн засагч, төр нийгмийн зүтгэлтэн.
image-alt-text

Бэгзийн Явуухулан(1930-1982)

1949 оны төгсөгч, Монголын их яруу найрагч Монгол Улсын төрийн шагнал (1967), Cоёлын гавъяат зүтгэлтэн (1979) Дорнын билигт яруу найрагч, торгомсог уянгын хаан Б.Явуухулан Залуучуудын үнэн, Улаанбаатарын мэдээ сонинд сурвалжлагч, хариуцлагатай эрхлэгч, МЗЭ-ийн хороонд яруу найргийн зөвлөлийн эрхлэгч, нарийн бичгийн дарга, мэргэжлийн зохиолчоор ажиллаж байсан. ХХ зууны Монголын яруу найрагт иргэний уянгын шинэ чиглэл бий болгосон том төлөөлөгч 1964 онд «Би хаана төрөв», «Сохор зоосны дууль», «Пионер», «Түлээчин», «Анхны цас» зохиолоороо Төрийн шагнал хүртэж байсан.
image-alt-text

Ёндонгийн Очир (1927-2014)

1949 оны төгсөгч, Худалдааны гавьяат ажилтан, “Хүндэт дипломатч” Монгол төрийн зүтгэлтэн 1949-1957 онд Санхүү-эдийн засгийн техникумд багш, 1962 онд МАХН-ын Төв Хорооны үйлдвэрийн хэлтэст зааварлагч, 1962-1984 онд Гадаад худалдааны яаманд төлөвлөгөө-санхүү эрхэлсэн орлогч сайд, нэгдүгээр орлогч сайд, БНМАУ-ын Гадаад худалдааны яамны сайд, 1984-1988 онд БНМАУ-аас БНСЧСУ-д суугаа Онц бөгөөд Бүрэн эрхт Элчин сайд, 1988-1990 онд БНМАУ-аас БНХАУ-д суугаа Онц бөгөөд Бүрэн эрхт Элчин сайд зэрэг төрийн өндөр хариуцлагатай албуудыг хашиж байсан. Монгол Улсын худалдаа, эдийн засгийн гадаад харилцааг өргөтгөн хөгжүүлэхэд Ё.Очирын оруулсан их хувь нэмэр, гавьяа зүтгэлийг төр, засгийн газраас өндрөөр үнэлж “Алтан гадас одон”, “Хөдөлмөрийн гавьяаны улаан тугийн хошой одон”-гоор, Польш, Чехословак улсууд төр, засгийнхаа одонгоор мөн шагнаж байжээ.
image-alt-text

Думаагийн Содном

1923-1924 онд Сангийн яамны дэргэдэх гаалийн нягтлан бодохын сургуульд суралцсан анхны төгсөгчдийн нэг. 1926-1930 онд Монголын харилцан туслалцах хоршооны байцаагч, орлогч дарга, Ерөнхий хорооны даргаар ажилласан юм. 1930-1932 онд БНМАУ-ын Засгийн газрын Ерөнхий сайдаар ажиллаж байсан. Монгол улсын найм дахь ерөнхий сайд.
image-alt-text

Цэндийн Молом (1932-2020)

1950 оны төгсөгч, 1958-1960 онд Санхүү, эдийн засгийн техникумд багш, захирал, Сангийн яаманд 1960-1963 онд хэлтсийн дарга, орлогч сайд, 1963-1965 онд Эдийн засгийн хамтын ажиллагааны олон улсын банкны ерөнхий хорооны гишүүн, 1965-1968 онд БНМАУ-аас ЗХУ-д суугаа ЭСЯ-д худалдааны төлөөлөгч, 1968-1969 онд нэгдүгээр орлогч сайд, 1969-1979 онд Сайдаар 1979-1983 онд БНМАУ-ын Сайд нарын Зөвлөлийн орлогч дарга бөгөөд Улсын ардын хянан шалгах хорооны даргаар, 1988-1990 онд Эдийн засгийн гадаад харилцаа, хамтын ажиллагааны яамны орлогч сайд, 1990-1994 онд Монгол Улсаас ХБНГУ-д суугаа ЭСЯ-нд худалдаа, эдийн засгийн зөвлөх, 1994-1997 онд “МИАТ” компанийн ОХУ дахь ерөнхий төлөөлөгчөөр тус тус ажилласан.
image-alt-text

Паавангийн Дамдин (1931-2018)

1950 оны төгсөгч, 1960-1968 онд БНМАУ-ын Аж үйлдвэрийн яамны сайд, 1968-1979 онд Хөнгөн хүнсний үйлдвэрийн яамны сайд, 1979-1990 онд МАХН-ын Төв Хорооны нарийн бичгийн даргаар тус тус ажиллаж байсан. Хөдөлмөрийн хүндэт медаль, Алтан гадас одон, Хөдөлмөрийн гавъяаны улаан тугийн одон, Сүхбаатарын одонт, Монгол Улсын Хөдөлмөрийн баатар, Аж үйлдвэрийн гавъяат ажилтан Монгол Улсын төр, нийгэм, улс төрийн нэрт зүтгэлтэн.
image-alt-text

Доржийн Гармаа (1937-2016)

1958 оны төгсөгч, 1955 оноос уран бүтээлээ эхлэж, 1959 онд “Морьтой ч болоосой”, 1961 онд “Хөхөө гэрлэх дөхлөө”, инээдмийн кино зохиол бичжээ. 1971 онд “ Дайны сүүдэр” номоороо МҮЭ-ийн шагнал, 1969 онд “ Хөгжөөнтэй тууж” номоороо МЗЭ-ийн шагнал, 1982 онд “Газар тэнгэр” романаараа Д.Нацагдоржийн шагнал, 1988 онд “Хөгжөөнтэй тууж” номоороо төрийн шагнал, 2006 онд Соёлын гавьяат зүтгэлтэн цол авсан. 1958-1961 онд Баянхонгор, Төв аймгийн санхүүгийн хэлтэст ерөнхий ня-бо, 1961 онд Тоншуул сэтгүүлийн утга зохиолын ажилтан, 1966-1973 онд МЗЭ-ийн хороонд Цог сэтгүүлийн хариуцлагатай нарийн бичгийн дарга, хүүрнэл зохиолын зөвлөлийн эрхлэгч, 1973-1978 онд Монголын радио, телевизид редактор, 1980-1983 онд МАХН-ын Төв Хороонд зааварлагч, 1983-1990 онд Монголын Зохиолчдын Эвлэлд орлогч дарга, 1990- 1997 онд мэргэжлийн зохиолчоор тус тус ажиллаж байв.
image-alt-text

Авирмэдийн Лхагва

1964 оны төгсөгч, гавьяат хуульч, доктор, профессор, хурандаа. Цагдаагийн дээд сургууль, Цагдаагийн академид багш, ахлах багш, тэнхимийн эрхлэгч, ДХИС, ХСИС-д Шүүхийн шийдвэр гүйцэтгэл судлалын төвийн дарга, эрхлэгч
image-alt-text

Лхамсүрэнгийн Жавзмаа(1945-2015)

1967 оны төгсөгч,2003 онд Монгол Улсын анхны Ерөнхий аудитороор томилогдож, Үндэсний аудитын газрыг удирдсан бөгөөд төрийн аудитын орчин үеийн төрөл болох гүйцэтгэлийн болон санхүүгийн аудитын олон улсын стандарт, шилдэг туршлагыг эзэмшүүлэх, аудитын арга зүйг боловсронгуй болгоход манлайлсан төдийгүй төрийн аудитын байгууллагыг мэргэжлийн чадварлаг боловсон хүчнээр хангах, материаллаг баазыг бэхжүүлэхэд ихээхэн нөлөө үзүүлсэн. Хөдөлмөрийн гавьяаны улаан тугийн болон Алтан гадас одон, Хөдөлмөрийн хүндэт медаль, Ардын хувьсгалын түүхт ойн медалиуд, салбаруудын тэргүүний ажилтан, Нийслэл Улаанбаатар хотын дээд шагнал Хангарьд одонгоор тус тус шагнагдсан.
image-alt-text

Галсанжамцын Пүрэв-Очир

1968 оны төгсөгч, МУ-ын гавьяат дасгалжуулагч, Улсын начин, Боловсрол судлалын доктор, Хурандаа. Монголын Бөхийн Холбооны нарийн бичгийн дарга 1980-1982 онд, Монголын Самбо Бөхийн Холбооны ерөнхий нарийн бичгийн дарга 1989-2006 онд, мөн Азийн Самбо бөхийн Холбооны ерөнхий нарийн бичгийн дарга 1997-1999 онд сонгогдон ажиллаж байсан, одоо МҮБХ-ны тэргүүлэгч, цэцдийн зөвлөлийн нарийн бичгийн даргаар 1992 оноос, Монголын Регби-ийн Холбооны дэд ерөнхийлөгчөөр 2011 оноос, Монголын Спортын Ахмадын Холбооны дэд ерөнхийлөгчөөр 2014 оноос ажиллаж байна. Түүнчлэн “Аварга “ дээд сургуульд Магистр хамгаалуулах зөвлөлийн гишүүн бөгөөд сургалт хариуцсан зөвлөхөөр 2011 оноос ажиллаж байна. Алтан гадас одонгоор 1989 онд, Хөдөлмөрийн гавьяаны улаан тугийн одонгоор 2008 онд тус тус шагнагдсан.
image-alt-text

Рэнчингийн Батжаргал

1971 оны төгсөгч, МУ-ын гавьяат эдийн засагч, эдийн засгийн ухааны доктор, профессор, нягтлан бодох бүртгэлийн тэргүүний багш, МУ-ын мэргэшсэн нягтлан бодогч, мэргэшсэн үнэлгээчин, зөвлөх аудитор ММНБИ-ийн удирдах зөвлөлийн гишүүн.
image-alt-text

Лувсан-Очирын Дондог

1972 Оны төгсөгч, НББ-ийн хүрээлэнгийн тэргүүн, гавьяат эдийн засагч, доктор профессор 1972 -1995 ШУА-ын Эдийн засгийн хүрээлэнд эрдэм шинжилгээний ажилтан, секторын эрхлэгч, эрдэмтэн нарийн бичгийн дарга, ШУА-ийн Эдийн засгийн хүрээлэнгийн захирал.
  • 1993-2006 он Сангийн сайдын дэргэдэх НББ-ийн мэргэжлийн зөвлөлийн дарга
  • 2002-2005 Найдвар Аудит ХХК –ийн ерөнхий захирал
  • 2002-2005 он СЭЗЯ-ны НББ-ийн бодлого, арга зүйн газрын дарга
  • 1997-2009 он Монголын Мэргэшсэн нягтлан бодогчдын институтийн ерөнхийлөгч
  • 2009 оноос Нягтлан бодох бүртгэлийн хүрээлэнгийн тэргүүн
  • 2017 оноос Монголбанкны Хяналтын зөвлөлийн гишүүн
image-alt-text

Далрайн Даваасамбуу

1973 оны төгсөгч, 1979 онд ЗХУ/ хуучин нэрээр/-ын Москва хотод Олон улсын харилцааны дээд сургуулийг төгссөн. Олон улсын харилцааны эдийн засагч. Сангийн яаманд 1973-1974, 1979-1990 онд зааварлагч, мэргэжилтэн, ахлах мэргэжилтэн, газрын дарга, 1990-1992 онд орлогч сайд, 1992-1995 онд Сангийн сайд, 1995-1999 онд Монгол Улсаас БНХАУ-д суугаа Элчин сайдын яамны Худалдаа, эдийн засгийн зөвлөх, 1999-2001 онд Гадаад харилцааны яаманд зөвлөх, 2017 оноос Монгол банкны Хяналтын зөвлөлийн дарга Онц бөгөөд бүрэн эрхэт элчин сайд
image-alt-text

Лувсан-Ишийн Мөнх-очир (1953-2021)

1973 оны төгсөгч, МУИС-ийн Нягтлан бодох бүртгэлийн тэнхимийн багш, Доктор, дэд профессор 2012-2014 онд МУИС-ийн удирдах зөвлөлийн гишүүн ,1992-1997,2018 онд МУИС-ийн эрдмийн зөвлөлийн гишүүн, 1992-1997 онд МУИС-ийн Эдийн засаг, нийгмийн асуудал эрхэлсэн дэд захирлаар ажиллаж байсан. Манай улсын зах зээлийн харилцааны шинэ нөхцөлд дээд боловсрол, нягтлан бодох бүртгэл, аудит, хөрөнгийн үнэлгээний тогтолцоог өөрчлөн зохион байгуулах, хөгжүүлэхэд түүний оруулсан үнэтэй хувь нэмрийг төр засгаас үнэлэн 1994 онд “Санхүү банкны тэргүүний ажилтан”, 1999 онд “Боловсролын тэргүүний ажилтан”, 2001 онд “Бүртгэл-статистикийн тэргүүний ажилтан”, 2007 онд “Төрийн хяналтын тэргүүний ажилтан”, 2008 онд “Монголын багш нарын холбооны “Есөн эрдэнийн багш” цол, 2009 онд Монгол улсын Шилдэг нягтлан бодогч багш, 2014 онд “Алтангадас” одон, 2016 онд “Нягтлан бодох бүртгэлийн тэргүүний ажилтан” цол тэмдгээр тус тус шагнажээ.
image-alt-text

Шагдарсүрэнгийн Баярсайхан

1990 оны төгсөгч, Номин Холдинг Компанийн Ерөнхийлөгч, Төлөөлөн Удирдах Зөвлөлийн дарга, нягтлан бодогч, эдийн засагч. Номин Холдинг ХХК нь анх 1992 онд “Номин-5” ХЭАА нэртэйгээр байгуулагдан хөгжсөөр өнөөдөр худалдаа, үйлдвэрлэл, үйлчилгээ, барилга, санхүү, даатгал, аялал жуулчлалын чиглэлээр 12 охин компани, 5600 ажиллагсадтай болтлоо тэлж, улсын төсөвт жилдээ 49 тэрбум төгрөг төлж Монгол улсын хөгжилд хувь нэмрээ оруулсаар буй үндэсний шилдэг компаниудын нэг юм. МУ-ын Худалдааны гавъяат ажилтан
image-alt-text

Сумъяагийн Түмэнгэрэл

2000 оны төгсөгч, МУ-ын Аж үйлдвэрийн гавьяат ажилтан, Хүнсний манлай ууган үйлдвэр “Өгөөж-чихэр боов” ХХК-ийн ерөнхий захирал.
  • Монголын Үндэсний Үйлдвэрлэгчдийн Холбооны дэд тэргүүн
  • МҮХАҮТ-ын тэргүүлэгч
  • Монголын Хүнсчдийн Холбооны тэргүүлэгч