Дээд боловсролын сургалтын байгууллагыг магадлан итгэмжлэх комиссын 2024/06/20-ы өдрийн тогтоолоор СЭЗИС-ийг 2034 он хүртэл 10 жилээр хугацаатай магадлан итгэмжиллээ.

Бид 2000, 2005, 2019, 2024 онуудад ийнхүү магадлан итгэмжлэлийн шалгуур, шаардлагыг бүрэн хангаж, Боловсролын Магадлан Итгэмжлэлийн Үндэсний Зөвлөлөөр 4 дэх удаагаа амжилттай магадлан итгэмжлүүлж байна.

Магадлан итгэмжлэлийн гэрчилгээгээ 2024-07-09-ы буюу өнөөдөр гардан авч, 100 жилийн ойдоо дахин нэгэн баярт мөч нэмж байгаадаа туйлын баяртай байна.

Монгол улсын дээд боловсролын чанар стандартад анхаарч, олон улсын жишигт нийцүүлэхээр ажиллаж буй Боловсролын магадлан итгэмжлэх үндэсний зөвлөл болон бусад байгууллага, тэдгээрт сэтгэл зүрхээ зориулан ажилладаг ажилтан, албан хаагч, СЭЗИС-ийн оюутан, төгсөгч, хамтрагч түншүүд, ажил олгогч нартаа талархая, баяр хүргэе!

Нийт хамт олондоо халуун баяр хүргэе!

#UFE 100