2024-12-30-ы өдөр СЭЗИС-ийн ахмад ажилтан Д.Өлзийбат Төрийн дээд шагнал “Алтан гадас” одонгоор шагнууллаа. Тэрээр нь улсад нийт 41 жил ажилласнаас СЭЗИС-д тооцооны нягтлан бодогчоор тасралтгүй 31 жил хөдөлмөрлөж, хамт олондоо хүндлэгдсэн манай тэргүүний ахмад ажилтан юм. Санхүү, нягтлан бодох бүртгэл, татвар, нийгмийн даатгалын хууль тогтоомж, тогтоол, шийдвэр, журмын биелэлтийг шударгаар даган мөрдөж, ажилдаа эзний ёсоор хандаж, чинхүү сэтгэлээ ажил үйлсдээ зориулсан ахмад ажилтан Д.Өлзийбат танаар бид бахархаж байна.

СЭЗИС-ийн удирдлага, нийт эрдмийн хамт олон, ажилтан, төгсөгч, оюутан суралцагчдынхаа нэрийн өмнөөс халуун баяр хүргэе.