“АЖЛЫН БАЙРТАЙ ЭЛСЭЛТ” ТЭТГЭЛЭГТ ХӨТӨЛБӨРИЙН ЭЗЭД ТОДОРЛОО
“АЖЛЫН БАЙРТАЙ ЭЛСЭЛТ” ТЭТГЭЛЭГТ ХӨТӨЛБӨРИЙН ЭЗЭД ТОДОРЛОО
СЭЗИС болон Мандал Санхүүгийн Нэгдэл хамтран “Ажлын байртай элсэлт” тэтгэлэгт хөтөлбөрт 18 оюутан шалгарч, суралцах эрхийн бичгээ гардан авлаа. Тус хөтөлбөр нь 3 жилийн хугацаанд Санхүү, банкны мэргэжлээр суралцах хугацаандаа ажлын байранд цалинтай дадлагажих боломжийг оюутан залууст олгож буйгаараа онцлог юм. Үүнд:
- 5 сурагч (100% тэтгэлэг + Цалинтай ажлын байр)
- 7 сурагч (50% тэтгэлэг + Цалинтай ажлын байр)
- 6 сурагч (Цалинтай ажлын байр)
Хөтөлбөрт хамрагдаж буй оюутнууд СЭЗИС-ийн олон улсад магадлан итгэмжлэгдсэн хөтөлбөрт хамрагдахаас гадна санхүүгийн салбарт 20 гаруй жил ажиллаж буй туршлагатай лидерүүдээс суралцах, 18 настайгаасаа ажлын гараагаа эхлэх олон давуу талтай юм.
Тэтгэлэг олгох үйл ажиллагаанд Мандал Санхүүгийн Нэгдлийн Ерөнхий захирал Г.Ганзориг, СЭЗИС-ийн СУТ-ийн эрхлэгч Г.Ичинноров нар оролцож, шалгарсан оюутнууд болон тэдний гэр бүлд хөтөлбөрийн зорилго, давуу тал, цаашдын боломжийн талаар мэдээлэл өгсөн юм.
Тэтгэлэгт хөтөлбөрийг санаачилж, хамтран хэрэгжүүлж буй Мандал Санхүүгийн Нэгдэлийн удирдлага, хамт олонд талархал илэрхийлье. Мөн тэтгэлэгт хөтөлбөрт шалгарсан сурагчид болон тэдний гэр бүлийнхэнд баяр хүргэхийн зэрэгцээ сурлагын өндөр амжилтыг хүсье.
Хөтөлбөрт нэмэлтээр 2 сурагч бүртгэх ба дараах холбоосоор 2024.08.15 хүртэл бүртгүүлэх боломжтой.
Нэмэлт элсэлт:
