СЭЗИС-ийн бакалаврын хөтөлбөрийн оюутнуудад “РЕКТОРЫН НЭРЭМЖИТ ТЭТГЭЛЭГ” олголоо
СЭЗИС нь сурлагын өндөр амжилт гаргаж, судлан шинжлэх, шинийг эрэлхийлэх, асуудлыг шийдэх бүтээлч чадвартай, нийгэмд тустай сайн үйлс санаачлан, манлайлан зохион байгуулдаг тэргүүний шилдэг оюутнуудыг дэмжих зорилгоор 2003 оноос хойш Ректорын нэрэмжит тэтгэлгийг жил бүр уламжлал болгон зохион байгуулж оюутнуудаа дэмжин ажилладаг.
Тэтгэлгийг сурлагын амжилт, эрдэм шинжилгээний ажил, сайн дурын ажил гэсэн гурван шалгуураар үнэлж, сургалтын төлбөрийн 100 хувь хүртэлх тэтгэлгийг олгодог. 2024-2025 оны хичээлийн жилийн намрын улиралд нийт өдрийн хөтөлбөрийн 3700 гаруй оюутнаас сурлагын амжилт, судалгаа шинжилгээ, мэргэжлийн уралдаан тэмцээнд тэргүүлэн шалгарсан, нийгэмд тустай үйлс санаачлан зохион байгуулж, бусдыгаа манлайлсан шилдэг 79 оюутанд 131,798,250 төгрөгийн “Ректорын нэрэмжит тэтгэлгийн батламж”-ийг 2024.12.16-ний өдөр гардууллаа. Үүнээс 2-р курсийн 9, 3-р курсийн 35, 4-р курсийн 35 оюутан шилдэг оюутан болж тэтгэлэг авлаа. Тэтгэлэгт хамрагдсан нийт оюутнуудыг мэргэжлээр ангилбал:
- Банк, санхүүгийн мэргэжлийн 36 оюутан;
- Бизнесийн удирдлагын мэргэжлийн 14 оюутан;
- Маркетинг мэргэжлийн 6 оюутан;
- Нягтлан бодох бүртгэл мэргэжлийн 10 оюутан;
- Мэдээллийн систем мэргэжлийн 3 оюутан;
- Эрх зүй мэргэжлийн 2 оюутан;
- Эдийн засаг мэргэжлийн 4 оюутан;
- Энтрепренершип мэргэжлийн 1 оюутан;
- Худалдааны мэргэжлийн 2 оюутан;
- Аялал жуулчлалын мэргэжлийн 1 оюутан тус тус шалгарч, тэтгэлгийн батламжаа гардан авлаа.
Тэтгэлэгт хамрагдсан нийт оюутнууддаа баяр хүргэж, улам их амжилт гарган нийгэмдээ эерэг нөлөө үзүүлэх олон ажлыг манлайлан хийхийг уриалж байна.
