Боловсролын яам, ХААИС-ийн ЭЗБС-ийн Менежментийн тэнхим, Жандагсүрэн сан, Монголын Менежментийн Холбоо, Монголын Бүтээмжийн төв хамтран Эдийн засаг-бизнесийн удирдлагын чиглэлээр сургалт явуулдаг их, дээд сургууль, коллежийн оюутнуудын дунд зохион байгуулдаг “Менежментийн улсын XV олимпиад” 2024 оны 11 дугаар сарын 14,15-ны өдрүүдэд зохион байгуулагдлаа. Энэ удаагийн олимпиадад ӨМӨЗО-ны 2 сургууль, дотоодын 7 их, дээд сургуулийн 12 багийн нийт 60 оюутан мэдлэг, чадвараараа өрсөлдлөө.

Олимпиад 2 үе шаттай зохион байгуулагдсан ба багийн дүнгээр:

• ТЭРГҮҮН байранд СЭЗИС-ийн FORTIS баг, удирдагч багш Б.Баярцэцэг, багийн ахлагч Ч.Дэнсмаа, гишүүд Б.Эрдэнэ-Очир, М.Давааням, А.Ананд, М.Хажидмаа;
• ДЭД байранд МУИС-ийн FLAMINGO баг;
• ГУТГААР байранд СЭЗИС-ийн АСЕ баг, удирдагч багш Б.Идэрцогт, багийн ахлагч Н.Халиунаа, гишүүд С.Лхамдолгор, О.Галданцэрэн, Б.Сэр-Од, Ж.Ихзаяа

Хувийн дүнгээр:

• Тэргүүн байр СЭЗИС-ийн Бизнесийн удирдлагын өдрийн хөтөлбөрийн оюутан А.Ананд 1,5 сая төгрөг, алтан медаль;
• Дэд байр МИУС А.Энгүүн, СЭЗИС-ийн Санхүү удирдлагын өдрийн хөтөлбөрийн оюутан Б.Эрдэнэ-очир 1,2 сая төгрөг, мөнгөн медаль;
• Гутгаар байр СЭЗИС-ийн Санхүү удирдлагын өдрийн хөтөлбөрийн оюутан М.Давааням, Санхүү удирдлагын өдрийн хөтөлбөрийн оюутан О.Галданцэрэн, 1 сая төгрөг, хүрэл медаль;
• Шагналт байранд 10 оюутан шалгарснаас СЭЗИС-ийн оюутан Б.Сэр-Од, Н.Халиунаа, М.Хажидмаа, нар 300000 төгрөг;
• Шилдэг илтгэгч оюутан СЭЗИС-ийн Бизнесийн удирдлагын өдрийн хөтөлбөрийн оюутан А.Ананд;
• Шилдэг удирдагч багш СЭЗИС-ийн Бизнесийн удирдлагын тэнхимийн багш Б.Баярцэцэг, алтан медаль, гадаадад олон улсын хуралд оролцох эрхийн бичиг;
• Шилдэг гадаадын оролцогч оюутан БНХАУ-ийн ӨМӨЗО-ний Багшийн их сургуулийн Олон улсын сургуулийн оюутан Гоёхон нар тус тус шалгарлаа.

Баг, оюутнуудаа олимпиадад амжилттай удирдан шилжин явах цомыг үүрд хадгалахаар болсон СЭЗИС-ийн Бизнесийн удирдлагын тэнхимийн ахлах багш Б.Идэрцогт, багш Б.Баярцэцэг, давтлага өгсөн тус тэнхимийн ахлах багш Г.Нарантунгалаг, Мэдээллийн системийн менежментийн тэнхимийн ахлах багш Ш.Ганболд, Хөтөлбөрийн инновацын төвийн багш Г.Цэлмэг, Олимпиадын шүүгчдийн бүрэлдэхүүнд ажилласан Бизнесийн удирдлагын тэнхимийн ахлах багш С.Эрхэмбаяр болон СЭЗИС-ийн Бизнесийн удирдлагын тэнхимийн багш нартаа, олимпиадын 20 жилийн туршид амжилттай зохион байгуулж буй ХААИС-ийн ЭЗБС-ийн Менежментийн тэнхимийн багш нартаа талархлаа илэрхийлье. Та бүхэнд эрүүл энхийг хүсье.