СЭЗИС нь нийгмийн хариуцлагын хүрээнд элсэгчийн амжилттай суралцах, судалгаа шинжилгээний ажил хийх, манлайлан зохион байгуулах чадвар, хүсэл эрмэлзлийг урамшуулан дэмжих зорилгооор 2021-2022 оны хичээлийн жилд тэтгэлэг олгох журмыг шинэээр боловсруулан баталлаа. Элэгчид дараах дөрвөн төрлийн тэтгэлэгт хамрагдах боломжтой. Үүнд:
1. Академик тэтгэлэг – Сурлагын амжилтаараа тэргүүлэгч элсэгчид олгох тэтгэлэг;
2. Сурах боломж олгох тэтгэлэг – Суралцах чин хүсэл эрмэлзэлтэй, санхүүгийн улмаас суралцах боломжгүй (боловсролын зээлийн сангийн буцалтгүй тусламжид зааснаас бусад нөхцөлөөр), эсвэл зорилтот бүлэгт хамаарах элсэгчид олгох тэтгэлэг;
3. Ирээдүйн манлайлагч тэтгэлэг – Нийгэмд эерэг өөрчлөлт гаргах чин хүсэлтэй, тодорхойлсон зорилгын төлөө тууштай тэмцэх, бусдыг уриалан манлайлагч элсэгчид олгох тэтгэлэг;
4. Ирээдүйн энтрепренер тэтгэлэг – Нийгэмд эерэг өөрчлөлт бий болгохын төлөө шинийг санаачилж, бүтээх хүсэл тэмүүлэлтэй, ирээдүйн энтрепренерт олгох тэтгэлэг тус тус хамаарна.

Бакалаврын сургалт, судалгааны алба