Тогтвортой хөгжлийн зорилгод залуусын оролцоог нэмэгдүүлэх, сайн дурын ажлыг дэмжигч байгууллагуудтай холбох зорилгоор “Student-LED” сайн дурын төслийн уралдааныг СЭЗИС, Оюутны холбоотой хамтран анх удаа зохион байгуулж байна. Эхний буюу “DEMO PROJECT” шатанд нийт 25 баг төслөө ирүүлснээс 10 баг дараагийн 2-р шат болох “MENTORSHIP” шатанд шалгарлаа. Төслийг багуудад зөвлөгөө, мэдээлэл өгөх зорилгоор бизнес эрхлэгч, манлайлагч залуус болон СЭЗИС-ийн багш нар өөрсдийн санаачилгаар ментороор ажиллаж байна. 

• Л.Чинбат /Хөүм Моргейж Корпорейшн ХХК-ийн Төслийн удирдагч/ -  (Rotaract 1 team)
• Б.Эрдэнэ /Эм эф жи Группийн Дэд захирал/ -  (Reusult team)
• О.Одгэрэл /АПУ ХК-ийн Байгууллагын харилцааны албаны дарга/ - (ZH team)
• Д.Энхцацрал /Титан Си Ар Эй Зээлийн мэдээллийн сан ХХК-ийн гүйцэтгэх захирал/ - (Heart U team)
• Ж.Номин /Залуу судлаачдын дэмжих сангийн гүйцэтгэх захирал/ - (Arise team)
• Н.Ганжигүүр /CPO Chief Product Officer/ -  (Axleth team)
• Ч.Наранчимэг /СЭЗИС-ийн СШУТ-ийн профессор, доктор/ - (TripleE team)
• А.Ууганбаяр /СЭЗИС-ийн МСМТ-ийн багш/ - (Idea-R team)
• Э.Тамир /СЭЗИС-ийн СУТ-ийн багш/ - (TED team)
• Т.Лхам-Үржинханд /СЭЗИС-ийн ОУНББСМИ-ийн дадлагажигч багш/ - (Alpha 24 team)

2023.03.23-ны өдөр СЭЗИС дээр зохион байгуулагдах “UFE Volunteer Fair 2023” үзэсгэлэнгийн үеэр төслийн сүүлийн шат буюу ”Хөрөнгө оруулалтын шат”-ны танилцуулгын үйл ажиллагаа болох бөгөөд хамтран хэрэгжүүлэх бизнесийн байгууллагатай холбоо тогтоон төслийг хэрэгжүүлэх боломж нээгдэх юм. “UFE Volunteer Fair 2023” өдөрлөг болон “Student-LED” сайн дурын төслийн уралдааныг “Hipay” болон “AПУ”  ХК  ивээн тэтгэж, оюутан, залуусын тогтвортой хөгжлийн зорилгын хүрээнд нийгэмд оруулах хувь нэмрийг дэмжин ажил ажиллаж байгаад талархлаа илэрхийлье. 

“Student-LED” сайн дурын төслийн уралдааны нийт оролцогчдодоо амжилт хүсье.

Зохион байгуулагч

СЭЗИС, СЭЗИС-ийн Оюутны холбо